Այսօր՝ սեպտեմբերի 27-ին, Ազգային ժողովում հրավիրվել է հատուկ նիստ: Օրակարգում Հայաստանում ռազմական դրություն հայտարարելու մասին հարցն է:
«Այս պատերազմը, հաղթանակը Արցախը Հայաստանին միացնելու հանրաքվեն է»,- հայտարարեց «Իմ քայլի» պատգամավոր Սասուն Միքայելյանը և հավելեց, որ հանրաքվե անցկացնելու կարիք չկա:
Նրա խոսքով` Ադրբեջանի ձեռագիրը նույնն է. «Ադրբեջանն այսօր էլ ուզում է Արցախը ազատել արցախցիներից. ոչ, դա չի լինի»:
Սասուն Միքայելյանը զուգահեռներ անցկացրեց նախորդ պատերազմի հետ. «Երբեք չսպասեք, թե ՀՀ-ն կպարտվի: Սա մեր վերջին կռիվն է: Մեր ու մանուկ կանգնելու ենք ու հաղթելու ենք»:
Նա կոչ արեց բոլոր քաղաքական կուսակցություններին, ամբողջ ազգաբնակչությանը համախմբվել. «Համախմբված հայը երբեք չի պարտվել»:
Սասուն Միքայելյանն էլ վերջում ռուսերեն արտահայտվեց` ասելով. «Победа за нами, ребята»:
Մանրամասն՝ տեսանյութում:
