Հունաստանի ԱԳՆ-ն նշել է, որ վեճերի կարգավորումը՝ միջազգային իրավունքին համապատասխան, տարածաշրջանային անվտանգության և կայունության միակ ճանապարհն է
Հունաստանը մտահոգությամբ է հետևում Լեռնային Ղարաբաղի տարածաշրջանում լարվածության սրմանը և զսպվածության կոչ է անում հակամարտության կողմերին: Այս մասին ասվում է Հունաստանի ԱԳՆ-ի տարածած հայտարարության մեջ:
«Մենք առանձնակի մտահոգությամբ ենք հետևում Լեռնային Ղարաբաղի տարածաշրջանում լարվածության աճին, որը հանգեցրել է խաղաղ բնակչության շրջանում զոհերի: Մենք բոլոր կողմերին կոչ ենք անում ցուցաբերել զսպվածություն, անհապաղ դադարեցնել ռազմական գործողությունները և վերադառնալ բանակցությունների Մինսկի խմբի շրջանակում»,- ասվում է հաղորդագրությունում:
Ըստ Հունաստանի ԱԳՆ-ի, «վեճերի խաղաղ կարգավորումը՝ համաձայն միջազգային իրավունքի, տարածաշրջանային անվտանգության և կայունության միակ ճանապարհն է: Մենք ակնկալում ենք, որ ներգրավված կողմերի, ինչպես նաև երրորդ կողմերի բոլոր գործողություններն ու հայտարարությունները կհամապատասխանեն այս տրամաբանությանը՝ խուսափելով լարվածության սրումից»,- ասվում է հայտարարության մեջ:
