Ադրբեջանը փորձում է հետ բերել նախկինում կրած կորուստները, իրավիճակը վտանգավոր է, ակնհայտորեն ադրբեջանական իշխանությունները պատրաստ են գնալ մինչև վերջ, որպեսզի լուծեն ղարաբաղյան հիմնախնդիրը: Այս մասին հայտարարել է Համաշխարհային տնտեսության և միջազգային հարաբերությունների ինստիտուտի հետխորհրդային հետազոտությունների կենտրոնի ավագ գիտաշխատող Ստանիսլավ Պրիտչինը:
«Իրավիճակը զարգանում է ոչ լավագույն կերպով: Հուլիսից Ադրբեջանը օբյեկտիվորեն մարդկային կորուստներ է ունեցել, ուստի այս ժամանակաընթացքում աճել է լարվածությունը ադրբեջանական հասարակության մեջ, և այժմ մենք ականատեսն ենք այն բանի, որ այժմ դա կարող է լինել հետ բերելու փորձ, բայց արդեն ղարաբաղյան ուղղությամբ»,- կարծում է Պրիտչինը:
Նրա խոսքով՝ առայժմ բարդ է կանխատեսել դեպքերի զարգացումը, սակայն ադրբեջանական իշխանություններն ու զինվորականները «պատրաստ են մինչև վերջ գնալ, որպեսզի լուծեն Ղարաբաղի հարցը»:
«Իրավիճակն ինքնին շատ վտանգավոր է: Սակայն եթե զուգահեռներ անցկացնենք 2016թ. սպրիլին տեղի ունեցածի հետ, իրավիճակը զարգացել է ավելի սրընթաց, և մինչ այս չի զգացվել ադրբեջանական նախապատրաստությունը: Հնարավոր է, որ սա լինի հակամարտության գոտու ժամանակավոր ստուգում Ադրբեջանի կողմից, կարող է լինել նաև հետագա առաջընթացի փորձ»,- նշել է փորձագետը:
