«Գիտեք, այս պահին ունենք հակառակորդի կողմից ներթափանցման փորձ սահմանի ողջ երկայնքով, նրանք հրթիռակոծել են, անօդաչու թռչող սարքեր են օգտագործել, բոլոր փորձերը ձախողվելու են, և աշխարհը ևս մեկ անգամ պետք է տեսնի, թե մենք ում հետ գործ ունենք, մենք մեզ համար պետք է ֆիքսենք, թե մենք ում հետ գործ ունենք»,-«Առաջին լրատվական»-ի հետ զրույցում ասաց Արցախի պահպանողական կուսակցության առաջնորդ Դավիթ Բաբայանը։
Բաբայանի խոսքով՝ դժվար է ասել՝ սա ապրիլյան քառօրյա պատերազմից ավելի լայնամասշտաբ է, թե ոչ․«Մենք պետք է ի մի բերենք, վերջնական տվյալներով երբ վերլուծենք, նոր հստակ կարող ենք ասել, իսկ հիմա դեղ վաղաժամ է ասել, թե որքանով է ապրիլյան պատերազմից ավելի լայնածավալ, առաջին կարևորագույն հարցն այն է, որ կասեցնենք նրանց բոլոր ներթափանցման փորձերը, հակառակորդի ատամները ջարդվել են, մարդկային և զինտեխնիկայի կորուստներ ունի, տանկեր և այլն ենք խոցել, այդպես լինելու է նաև ամեն տեղ»,-ասաց Դավիթ Բաբայանը։
Նրա խոսքով՝ Ադրբեջանում խուճապ է սկսվել, Արցախին սահմանամերձ ադրբեջանական շրջաններում մարդիկ դիմել են փախուստի, և առաջին հերթին վտանգում են իրենք իրենց բնակչությանը։
«Անպայման ուշ թե շուտ դադարեցնելու է Ադրբեջանը, նաև մի հատ ատամներին ստացավ մեզնից, եռանախագահությունը մի լավ կխփի ատամներին, հանրային խողովակներով առավել քան համոզված եմ, որ այդ մեսջիները նրան գնում են, որ դադարեցնի այդ ավանտյուրան։ Ադրբեջանն այս ամենը դադարեցնելու այլընտրանք չունի»,-հավելեց նա։