Այսօր՝ սեպտեմբերի 27-ին հակառակորդի բանակն Արցախի ուղղությամբ սկսել է օդային և հրթիռային հարձակում: Թիրախում Արցախն ու Հայաստանն է, մեր ժողովրդավարությունը։ Թիրախում բոլորս ենք՝ համայն հայությունը։
Ստեղծված իրավիճակում անհրաժեշտ է, որպեսզի մեր երկրի պատասխանատու քաղաքական ուժերը Հայաստանի և Արցախի անվտանգությանը սպառնացող այս վտանգավոր պահին ցուցաբերեն անհրաժեշտ հասունություն և միակամություն։
ԵԱՀԿ Մինսկի խմբից, համանախագահ երկրներից՝ առանձին-առանձին, միջազգային հանրությունից պահանջում ենք իրերը կոչել իրենց անուներով, դատապարտել Ալիեւի հանցավոր բռնապետական ագրեսիան եւ սպառազինության բեռնարգելք հայտարարել Ադրբեջանին։
«Հանուն Հանրապետության» ժՊԴ կուսակցությունն իր լիակատար և անվերապահ աջակցությունն է հայտնում ՀՀ զինված ուժերի և Արցախի ՊԲ հրամանատարությանն ու անձնակազմին՝ վստահելով մեր բանակի մարտունակության և պաշտպանունակության բարձր մակարդակին։
Այս բախտորոշ պահին անխտիր բոլորս մեր զինված ուժերի թիկունքին ենք:
Փառք Հայոց բանակին:
«Հանուն Հանրապետության» ժողովրդավարության պաշտպանների դաշինք կուսակցություն
https://www.facebook.com/hanun.hanrapetutyan/photos/a.129046615459823/175725417458609/?type=3&theater