Ռուս բժիշկ-դիետոլոգ, սննդաբան և բժշկական գիտությունների թեկնածու Իննա Կոնոնենկոն հայտնել է, թե որն է ամենավտանգավոր նախաճաշը: Վնասակար մթերքների նրա ցուցակը հարապարակվել է «Հինգերորդ ալիքի» կայքում:
Փորձագետը խորհուրդ է տալիս առավոտյան սննդակարգից բացառել արագ պատրաստվող շիլաները, քանի որ դրանք կտրուկ բարձրացնում են շաքարի մակարդակը արյան մեջ և հրահրում են ինսուլինի արտազատում: Այդ հորմոնը, իր հերթին, առաջացնում է շաքարի իջեցում: Արդյունքում նման շիլայի օգտագործումից հետո մարդու մեջ շատ արագ առաջանում է քաղցի զգացում:
Նախաճաշի համար վտանգավոր ուտելիքի ցուցակում են նաև մյուսլին և փաթիլները՝ թաթախված կաթով կամ հյութով: Բացի դրանից, Կոնոնենկոն խորհուրդ չի տալիս առավոտյան ժամերին խմել թարմ հյութեր և սմուզիներ, ինչպես նաև ուտել բուտերբրոդներ կամ տոստեր՝ ջեմով կամ շոկոլադե քսուքով: Նա բացատրել է, որ մրգային ըմպելիքները պարունակում են մեծ քանակությամբ սովորական շաքար:
Մի կողմից՝ դա գլյուկոզա է, մյուս կողմից՝ ֆրուկտոզա: Ամբողջ ֆրուկտոզան արագ հայտնվում է լյարդում և վերածվում լյարդային ճարպի: Այստեղից էլ մենք քաշ ենք հավաքում:
