ԱՄՆ նախագահ Դոնալդ Թրամփը պատրաստվում է Վերաքննիչ դատարանի դատավոր Էմի Քոնի Բարեթին առաջադրել որպես ԱՄՆ Գերագույն դատարանի անդամի թեկնածու՝ հայտնում է CNN-ը՝ վկայակոչելով Հանրապետական կուսակցության բազմաթիվ բարձրաստիճան աղբյուրներ:
Նրանց խոսքով՝ Թրամփն արդեն որոշում է կայացրել Գերագույն դատարանի նոր անդամի թեկնածության հարցում: Միևնույն ժամանակ, նշվում է, որ պետության ղեկավարի որոշումը կարող է փոխվել վերջին պահին, ուստի նրա վերջնական ընտրության մասին դեռ հնարավոր չէ վստահորեն խոսել:
Ներկայում Բարեթը դատավոր է ԱՄՆ յոթերորդ շրջանի Վերաքննիչ դատարանում, որը զբաղվում է Վիսկոնսինի, Իլինոյսի և Ինդիանայի գործերով: Նա հայտնի է իր պահպանողական հայացքներով և, մասնավորապես, դեմ է աբորտներին:
