Հայաստանում ստեղծված քաղաքական իրավիճակը անցումային է: 2018թ. հեղափոխական իրադարձություններից հետո ստեղծվել է ելակետային նոր իրավիճակ: 2018թ. ՀՀ քաղաքացին մի նոր ուղենիշ է սահմանել հայաստանյան քաղաքական դաշտի համար: Այս մասին «Առաջին լրատվական»-ի հետ զրույցում ասաց ամերիկաբնակ հրապարակախոս Գագիկ Քամալյանը:
Անդրադառնալով դիտարկմանը, որ շատերն իշխանությանը մեղադրում են հեղափոխական օրակարգից շեղվելու մեջ, Գագիկ Քամալյանը նշեց, որ իշխանության հասցեին հնչում են և՛ հիմնավոր, և՛ շինծու մեղադրանքներ: «Այն ուժերը, որոնք երկար տարիներ պայքարել են սերժաքոչարյանական վարչախմբի դեմ, այսօր հստակ պատկերացնում են, թե 2018թ. Հայաստանն ինչից է ազատվել, և հստակ ուզղենիշներ են տալիս իշխանությանը, ազդակներ, թե ինչպիսի համակարգային լուծումներով պետք է գնանք առաջ: Իշխանությունը, ցավոք, հատկապես վերջին ժամանակաշրջանում մի փոքր շեղվել է այդ ուղուց», -նշեց հրապարակխոսը:
Գագիկ Քամալյանի դիտարկմամբ՝ Հայաստանի միջին չինովնիկական դասը Նիկոլ Փաշինյանին կարծես թե տանում է այլ ուղղությամբ. «Հայաստանի միջին չինովնիկական դասը 20 տարի շարունակ ձևավորվել է ռոբերտասերժական քաղաքական հայացքների համաձայն, իսկ մենք գիտենք, թե դա ինչ կաթսա էր, ինչ էր եփվում դրա մեջ: Նրանք այն ռոմանտիկ, հեղափոխական Նիկոլ Փաշինյանին տանում են ավելի շատ դեպի բյուրոկրատիա»:
Մանրամասն՝ տեսանյութում:
