Շվեյցարիայի քաղաքացիները կիրակի օրը կմասնակցեն ԵՄ երկրների հետ ազատ տեղաշարժը դադարեցնելու վերաբերյալ հանրաքվեին: Այս մասին հաղորդում է Swiss Info-ն:
Հանրաքվեի նախաձեռնողը աջակողմյան Շվեյցարիայի ժողովրդական կուսակցությունն է (SVP), որին հաջողվել է անհրաժեշտ քանակի ձայներ հավաքել: «Միգրանտները փոխում են մեր մշակույթը և գնացքներն ու փողոցները պակաս անվտանգ դարձնում»,- քարոզարշավի ժամանակ հայտարարել են կուսակցության անդամները:
Սակայն, հարցումները ցույց են տվել, որ նախաձեռնությունը ձախողվելու է, քանի որ շվեյցարացիների 63%-ը կողմ է ԵՄ-ի հետ ազատ տեղաշարժի պահպանմանը՝ չնայած այն բանին, որ Շվեյցարիայի 8.6 միլիոն բնակչության մեկ քառորդը կազմում են այլ երկրներից տեղափոխվածները:
Շվեյցարիան ԵՄ-ի չորրորդ խոշորագույն արտաքին առևտրային գործընկերն է՝ ԱՄՆ-ից, Չինաստանից և Մեծ Բրիտանիայից հետո:
