Ադրբեջանի նախագահ Իլհամ Ալիևը ուրբաթ, սեպտեմբերի 25-ին, ընդունել է Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Թոյվո Քլաարին: Այս մասին ասվում է նրա պաշտոնական կայքում տեղադրված հաղորդագրությունում:
Նախքան Ադրբեջանի ղեկավարի հետ հանդիպումը, Թոյվո Քլաարն իր Twitter-ի միկրոբլոգում նշել է Բաքու կատարելիք երկօրյա այցի նպատակը:
«ԵՄ-ն շահագրգռված է Հարավային Կովկասում կայուն խաղաղության հաստատման մեջ: Կարևոր է նվազեցնել լարվածությունը և վերսկսել առանց նախապայմանների առարկայական բանակցությունների գործընթացը ԵԱՀԿ Մինսկի խմբի համանախագահների ղեկավարությամբ»,- ասվում է նրա հրապարակման մեջ: