ԱԺ անկախ պատգամավոր Արման Բաբաջանյանը ֆեյսբուքյան իր էջում գրել է․
ՍԴ-ում այս պահին ընտրություն է ավտոկրատական լեգալիզմի և սահմանադրական ժողովրդավարության, անցյալի և ապագայի, մերժված բռնապետության և հայկական ժողովրդավարության, քաղաքակրթական ապագայի և խավարամիտ անցյալի միջև:
ԱԺ մեծամասնության թեթև ձեռքով ՍԴ-ում շարունակվող ճգնաժամի լուծման միակ հնարավորությունը և հրամայականը մնում է բոլոր օրինական միջոցներով ժողովրդավարության պաշտպանության անհրաժեշտությունը։
ՍԴ դատավորները մերժելով իշխանական երաշխիքներով ՍԴ գործուղված միակին դեռևս կարող են շտկել ԱԺ-ում՝ ՍԴ դատավորների վերջին ընտրությամբ մեր երկրի ժողովրդավարության ուղեծրից շեղումը:
Անկախ այսօրվա ընտրության ելքից հիշենք՝ Հայկական ժողովրդավարությունը շարունակում է մեր՝ Հայաստանի քաղաքացիների, իշխանության, քաղաքական ուժերի եւ քաղաքացիական հասարակության անվերապահ պաշտպանության կարիքն զգալ:
Եթե ժողովրդավարությունը չունենա պաշտպանության և շարունակականության ապահովման մեխանիզմներ, հեղափոխությամբ ձեռք բերված եզակի այս հնարավորությունը կմնա սոսկ հնարավորություն և ոչ երբեք կայուն ժողովրդավարական պետություն ունենալու անշրջելի կարելիություն:
Բոլոր դեպքերում փաստենք, որ այսօր ՍԴ-ում կայանալիք ընտրությունների ելքը ոչ թե հագուցալուծելու, այլ բյուրեղացնելու է դիմակայությունը ավկտոկրատական լեգալիզմի և սահմանադրական ժողովրդավարության միջև:
Այսու, բոլոր գիտակից շերտերին և անհատներին կոչ եմ անում այսօրվա «չընտրությունից չոգևորվել», ընտրությունից չվհատվել և պատրաստվել Հայաստանում ժողովրդավարության պաշտպանության կենաց մահու պայքարի:
https://www.facebook.com/photo.php?fbid=3851304488231987&set=a.444774552218348&type=3&theater