Կորոնավիրուսի դեմ չինական պատվաստանյութը վաճառքում կհայտնվի 2020թ.-ի վերջին: Այս մասին հաղորդում է «Ինտերֆաքս»-ը՝ Sinopharm դեղագործական ընկերության տնօրեն Յան Սյաոմինին հղումով:
Նրա խոսքով, մասնագետները գրեթե ավարտել են պատվաստանյութի փորձարկման երրորդ փուլը: Դեղամիջոցը վաճառքում կհայտնվի այս տարվա վերջին:
«Ես առանց դիմակի եմ, քանի որ մարտի 22-ին պատվաստվել եմ (փորձարկումների ժամանակ)»,- ասել է Սյաոմինը:
Ըստ գործակալության, Չինաստանում կլինիկական փորձարկումների վերջին փուլում են գտնվում կորոնավիրուսի դեմ չորս պատվաստանյութ:
Համավարակի սկզբից ի վեր աշխարհում գրանցվել է COVID-19-ով վարակման ավելի քան 31 միլիոն դեպք, ապաքինվել է գրեթե 22 միլիոն մարդ, մահացել է ավելի քան 970 հազար հիվանդ: