Եվրամիությունը շուտով կհաստատի Կերչի կամրջի կառուցման մեջ ներգրավված անձանց նկատմամբ պատժամիջոցների սահմանումը, որի վերաբերյալ որոշումն արգելափակվել է Կիպրոսի կողմից: Այս մասին Twitter-ում գրել է «Ազատություն ռադիոկայանի» թղթակից Ռիկարդ Ջոզվյակը:
«Բելառուսի դեմ ԵՄ պատժամիջոցները դեռ արգելափակված են, բայց նկատվում է որոշակի առաջընթաց, քանի որ Կերչի կամրջի կառուցման և 2015թ.-ին Բունդեսթագի վրա կիբերհարձակումների պատասխանատուների նկատմամբ պատժամիջոցները կհաստատվեն առաջիկա շաբաթների ընթացքում»,- գրել է Ջոզվյակը:
2018թ.-ին Եվրամիությունը պաշտոնապես պատժամիջոցներ մտցրեց Կերչի կամրջի շինարարությանը մասնակցած ռուսաստանյան վեց ընկերությունների նկատմամբ:
Ինչպես արդեն հաղորդվել է, Լուկաշենկոյի ռեժիմի պաշտոնատար անձանց նկատմամբ ԵՄ պատժամիջոցներն արգելափակում է Կիպրոսը՝ ԵՄ-ից պահանջելով Թուրքիայի դեմ գործողություններ ձեռնարկել Միջերկրական ծովի արևելյան հատվածում անօրինական հորատման աշխատանքների պատճառով:
EU sanctions on #Belarus are still blocked but at least some progress as the sanctions on those responsible for the building of the #Kerchbridge & those responsible for the cyber attacks on the Bundestag in 2015 will be green lighted in the coming weeks #Russia #Crimea #Ukraine
— Rikard Jozwiak (@RikardJozwiak) September 24, 2020
