Թուրք մասնագետներն ասիական վագրային մոծակի արագ տարածում են գրանցել, հաղորդում է Haber Turk պարբերականը։
Նշվում է, որ վտանգավոր միջատների մեծ կուտակումներ են հայտնաբերվել Ստամբուլի խոշոր շրջաններում, թեև դրանք նախկինում երկրի տարածքում չեն եղել: Հետազոտողները գտնում են, որ այս տեսակը հեշտությամբ է հարմարվում նոր միջավայրին:
«Այս տեսակը շատ ավելի ագրեսիվ է, քան մյուս մոծակները, և կարող է փոխանցել այնպիսի հիվանդություններ, ինչպիսիք են դեղին տենդը և Զիկա վիրուսը»,- ասել է Ստամբուլի համալսարանի դոցենտ Քերեմ Էթերան։
Բացի այդ, ասիական վագրային մոծակի խայթոցը ուժեղ ալերգիկ ռեակցիա է առաջացնում, որն ուղեկցվում է երկարատև քորով և կարմրությամբ: