Բլոգեր Ալեքսեյ Նավալնին Instagram-ում խոսել է հիվանդանոցից դուրս գրվելու և իր ապագա ծրագրերի մասին:
Նավալնին ասել է, որ դուրս գրվելուց առաջ աշխատել է ֆիզիոթերապևտի հետ, սնվել է, փորձել է ավելի շատ քնել, և անցած օրերին նույնիսկ օրական երկու անգամ 5 րոպե քայլել է պատշգամբում:
«Հիվանդանոցում 32 օր մնալուց հետո բժիշկները որոշեցին, որ հետագա վերականգնումը պահանջում է ոչ թե ստացիոնար բուժում, այլ վերադարձ բնականոն կյանքի», – հավելել է նա:
Նա նշել է, որ իր հետագա ծրագրերը պարզ են. ամեն օր ֆիզիոթերապևտի մոտ, և հնարավոր է` վերականգնողական կենտրոն: Նա ցանկանում է վերականգնել իր մատների կառավարումը և պահպանել հավասարակշռությունը: Բացի այդ, բլոգերը խոստացել է փորձել ավելի շատ ժամանակ անցկացնել սոցիալական ցանցերում: