Ամերիկյան Time ամսագիրը կազմել է 202022.-ի աշխարհի 100 ամենաազդեցիկ մարդկանց ցուցակը:
Վարկանիշային ցուցակը ներառում է մի քանի անվանակարգեր՝ «Տիտաններ», «Նորարարներ», «Արվեստի գործիչներ», «Առաջնորդներ» և «Կուռքեր»:
Այս տարի առաջատարների թվում են ԱՄՆ-ի Ալերգիկ և ինֆեկցիոն հիվանդությունների ազգային ինստիտուտի տնօրեն Էնթոնի Ֆաուչին, Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը, ԱՄՆ նախագահ Դոնալդ Թրամփը և նրա մրցակիցը ապագա ընտրություններում՝ Ջո Բայդենը, ՉԺՀ նախագահ Սի Ցզինպինը և այլք:
Ռուսաստանի նախագահ Վլադիմիր Պուտինն այս տարի ընդգրկված չէ ցուցակում:
«Տիտանների» թվում են Google-ի գործադիր տնօրեն Սունդարա Պիչաին, Չինաստանի առաջատար համաճարակաբան Չժուն Նանշանը, Amazon-ի գործադիր տնօրեն Ջեֆ Բեզոսի նախկին կինը՝ Մաqենզի Սքոթը և այլք:
«Նորարարներ» անվանակարգում են երգչուհի Megan Thee Stallion-ը, NASA-ի տիեզերագնացներ Ջեսիկա Մեյրը և Քրիստինա Քուքը և այլք:
«Արվեստի գործիչներ» անվանակարգում Time-ը ներառել է The Weeknd-ի կատարողին, երգչուհի Սելենա Գոմեսին և այլոց:
«Կուռքերի» շարքում են Black Lives Matter (Սևերի կյանքը նշանակություն ունի) շարժման հիմնադիրները, իրավապաշտպան Անժելա Դևիսը, թենիսիստուհի Նաոմի Օսական և այլք: