Հայաստանն այն եզակի պետություններից է, որ համարվում է մոնոէթնիկ, որտեղ ազգային փոքրամասնությունների թիվը բավականին քիչ է. վերջին մարդահամարի տվյալներով 1,8 տոկոս է կազմում: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Ռուստամ Բաքոյանը՝ անդրադառնալով իր օրենսդրական նախաձեռնությանը, որով առաջարկում է սեպտեմբերի վերջին շաբաթ օրը նշել որպես ազգային փոքրամասնությունների օր:
«Հայաստանում ազգային փոքրամասնությունները մեծ հաշվով խնդիրներ չունեն, բայց ինքնության պահպանման հետ կապված իհարկե դժվարություններ ունեն և այդ դժվարությունները վերացնելու համար պետք է իշխանությունները համապատասխան քայլեր ձեռնարկեն»,-ասաց նա: