Նախագահի դեմոկրատ թեկնածու Ջո Բայդենը խոստացել է, որ հաղթանակի դեպքում չի ղեկավարելու Միացյալ Նահանգները «որպես դեմոկրատ», այլ պաշտպանելու է երկրի բոլոր բնակիչների շահերը ՝ անկախ նրանց կուսակցական պատկանելությունից:
«Ես ընտրվում եմ որպես դեմոկրատ, բայց ես չեմ ղեկավարելու երկիրը որպես դեմոկրատ նախագահ, ես դա անելու եմ որպես նախագահ», – ասել է Բայդենը՝ ելույթ ունենալով Վիսկոնսինում ընտրողների առջև: Առաջիկա ընտրություններում նա կմրցի գործող հանրապետական նախագահ Դոնալդ Թրամփի հետ:
Բայդենն ասել է, որ նման հայտարարությունների համար իրեն երբեմն քննադատում են։
«Ես պայքարելու եմ նրանց համար, ովքեր ինձ սատարել են, բայց նաև նրանց համար, ովքեր ինձ չեն սատարել», – հավելել է նա՝ խոստանալով հավասարապես հոգ տանել «կարմիր և կապույտ» նահանգների մասին:
«Սա կուսակցական հարց չէ, այլ ամերիկյան», – ասել է թեկնածուն։