Կահիրեի մերձակա Սաքքարայի հնադարյան նեկրոպոլիսում ավելի քան 2.5 հազար տարվա հնություն ունեցող մեծ թվով սարկոֆագներ են հայտնաբերվել: Դրանցում մումիաներ կան, թե ոչ՝ դեռ անհայտ է:
Սեպտեմբերի սկզբին նոր հայտնաբերված ստորգետնյա շինությունում հայտնաբերվել է 13 փայտե դագաղ, ավելի ուշ՝ ևս 14-ը, ասվում է Եգիպտոսի հնությունների նախարարության հրապարակած հայտարարության մեջ:
«Նախնական հետազոտությունը ցույց է տվել, որ այս բոլոր սարկոֆագները կնքված են և չեն բացվել թաղման պահից ի վեր»,- ասվում է հաղորդագրությունում:
Սա նման տեսակի ամենամեծ գտածոներից է պատմության մեջ: