Երգիչ Էմին Աղալարովը նշանվել է նոր ընտրյալի հետ՝ մոդել Ալյոնա Գավրիլովայից բաժանվելուց ընդամենը չորս ամիս անց: Միջոցառումը հրապարակային չի եղել, բայց լրատվամիջոցներն իմացել են այդ մասին:
Ըստ AzTimes կայքի, Աղալարովի նոր ընտրյալը Ադրբեջանի ԶՈՒ ԳՇ պետ Նեջմեդդին Սադիգովի դուստրն է՝ Ֆաթիմա Սադիգովան: Նրանց նշանադրությունը, իբր, տեղի է ունեցել Մոսկվայում:
Աղալարովի երկրպագուները հենց այս իրադարձության հետ են կապում նրա նոր ստեղծագործության թողարկումը, որը կոչվում է «Fatima»:
Հաղորդվում է, որ երգչի երկրպագուները սոցցանցերում արդեն գտել են աղջկա պրոֆիլը: Սակայն, նա անմիջապես թաքցրել է այն:
Էմինը, որն այժմ 40 տարեկան է, արդեն երկու անգամ ամուսնացած է եղել: Նրա առաջին կինը Ադրբեջանի նախագահի դուստրն էր՝ Լեյլա Ալիևան: Նրանք միասին ապրել են 9 տարի և երկու որդի ունեն՝ Ալին և Մայքլը, ինչպես նաև որդեգիր դուստր՝ Ամինան:
Աղալարովի երկրորդ կինը մոդել Ալյոնա Գավրիլովան է, որից նա բաժանվել է այս տարի, նրանք դուստր ունեն՝ Աֆինան: Երգիչը կնոջից բաժանվել է մինչ ինքնամեկուսացման ռեժիմի ներդրումը: Նա նշել է, որ որոշ մարդիկ այս իրավիճակը «գնահատում են Instagram-ում տեղադրված գրառումներով»: