ԱՄՆ պետքարտուղար Մայք Պոմպեոն հայտարարել է, որ ամերիկյան կողմը պատժամիջոցներ է սահմանում Իրանի և Վենեսուելայի նախագահ Նիկոլաս Մադուրոյի դեմ՝ Իսլամական Հանրապետության հետ համագործակցելու համար, հաղորդում է Reuters-ը:
Պատժամիջոցներ են սահմանվում իրանցի հինգ գիտնականների նկատմամբ՝ երկրի միջուկային ծրագրին մասնակցելու համար, ինչպես նաև Մադուրոյի նկատմամբ: Պոմպեոյի խոսքով, համապատասխան հրամանագիրը սեպտեմբերի 21-ին ստորագրել է Միացյալ Նահանգների ղեկավար Դոնալդ Թրամփը:
«Այս հրամանագրին համապատասխան առաջին քայլը. պատժամիջոցներ եմ սահմանում Իրանի պաշտպանության նախարարության և (Իրանի) զինված ուժերի լոգիստիկ ստորաբաժանումների դեմ «…» Մենք նաև պատժամիջոցներ ենք սահմանում Մադուրոյի դեմ՝ Իրանի հետ կապերի համար»,- ասել է Պոմպեոն:
Նա նշել է, որ ԱՄՆ-ն ոչ միայն պատժամիջոցներ կկիրառի, այլև կվերականգնի Թեհրանի դեմ զենքի էմբարգոն:
