Լատվիան և Լիտվան Վրաստանից ժամանող քաղաքացիների համար պարտադիր ինքնամեկուսացման ռեժիմ են սահմանել:
Ըստ Վրաստանում Լատվիայի դեսպանատան, 10-օրյա մեկուսացում նախատեսող նոր կանոնն ուժի մեջ է մտել սեպտեմբերի 19-ից:
Լիտվայի դեպքում խոսքը 14-օրյա ինքնամեկուսացման մասին է: Լիտվայում Վրաստանի դեսպանությունը հաղորդել է, որ խստացված ռեժիմն ուժի մեջ կմտնի սեպտեմբերի 21-ից: Վրաստանից Լիտվա ժամանողները նաև պետք է կորոնավիրուսի ախտորոշման PCR թեստի բացասական արդյունքի վերաբերյալ տեղեկանք ներկայացնեն: Թեստը պետք է կատարված լինի երկիր ժամանումից 72 ժամ առաջ:
