Սեպտեմբերի 21-ից Մեծ Բրիտանիայում կարանտինի և ինքնամեկուսացման խախտման առավելագույն տուգանքը կկազմի 10 հազար ֆունտ ստեռլինգ: Այս մասին հայտնում է The Daily Telegraph-ը:
Նշվում է, որ կորոնավիրուսի դրական թեստով քաղաքացիները, որոնք բազմիցս խախտել են կարանտինը, կտուգանվեն: Կտուգանվեն նաև նրանք, ովքեր կանտեսեն ինքնամեկուսացման հրամանը:
Տուգանքը, որը սկզբում կկազմի 1000 ֆունտ, կմեծանա կանոններին չենթարկվելու յուրաքանչյուր նոր դեպքի հետ:
Ավելի վաղ Մեծ Բրիտանիայի վարչապետ Բորիս Ջոնսոնը հայտարարել էր, որ երկրում սկսվում է կորոնավիրուսի համաճարակի երկրորդ ալիքը:
Համաճարակի սկզբից աշխարհում գրանցվել է ավելի քան 29 միլիոն դեպք, բուժվել է գրեթե 20 միլիոն մարդ, ավելի քան 900 հազար հիվանդ մահացել է: