Ձմերուկները շատ օգտակար են և օրգանիզմը մաքրող հատկություն ունեն, բայց երիկամների հիվանդություններ ունեցողները պետք է շատ զգույշ լինեն: Այդ մասին «Երեկոյան Վոլգոգրադ» կայքին հայտնել է Վոլգոգրադի տարածաշրջանային ուրոնեֆրոլոգիական կենտրոնի ուրոլոգիայի բաժանմունքի վարիչ, բժշկական գիտությունների թեկնածու Ռոման Շուլգինը:
Հիվանդ երիկամներն ի վիճակի չեն բավարար քանակությամբ հեղուկ արտազատել, հետևաբար հնարավոր է առաջանա հիպերտոնիա և այտուց: Սա վերաբերում է երիկամային անբավարարություն ունեցող մարդկանց: «Բացի դրանից, ձմերուկում շատ են պարզ ածխաջրերը. սա ծանր բեռ է ենթաստամոքսային գեղձի վրա», – ձմերուկի ևս մեկ մինուս նշեց Շուլգինը:
Բժիշկը նշեց, որ ձմերուկը լեղամուղ հատկություն ունի, ուստի ենթաստամոքսային գեղձին ստիպում է ծանրաբեռնված աշխատել: Արդյունքում է՛լ ավելի շատ մարսողական ֆերմենտ է արտադրվում, և սրվելու դեպքում՝ կարող է հանգեցնել հիվանդության ռեցիդիվի:
Շուլգինն ընդգծեց, որ առողջ երիկամներ ունեցող մարդկանց համար ձմերուկի օրական թույլատրելի չափաբաժինը 0,5-1 կգ է:
