Ի սզբանե նշվում էր, որ Սահմանադրական բարեփոխումների մասնագիտական հանձնաժողովի աշխատանքը սկսելուց հետո եռամսյա ժամկետում պետք է մշակվեր սահմանադրական բարեփոխումների հայեցակարգ, հետո ապահովել դրա հանրային քննարկումը, այնուհետև այդ հայեցակարգը ներկայացվեր վարչապետի աշխատակազմ։
Որպես վերջնաժամկետ նշվում էր 2020 թվականի սեպտեմբերի 1-ը։ Ի՞նչ եղավ այս ընթացքում, որ այն ավարտին չհասցվեց․ «Առաջին լրատվական»-ի հարցին Սահմանադրական բարեփոխումների մասնագիտական հանձնաժողովի անդամ Դանիել Իոաննիսյանը պատասխանեց․ «Ի սկզբանե մի վերջնաժամկետ կար՝ հայեցակարգը պետք է պատրաստ լիներ գարնան վերջին։
Առաջին նիստի ժամանակ մենք եկանք այն կոնսենսուսի, որ դա, մեղմ ասած՝ ողջամիտ ժամկետ չէ, և մեր առաջարկությամբ վարչապետի հրամանի մեջ ժամկետի փոփոխություն արվեց։
Ըստ էության՝ հիմա հետևյալ ժամկետներով ենք առաջնորդվում կամ փորձում առաջնորդվել․ նախնական հայեցակարգ ունենալ հոկտեմբերի վերջին, վերջնական հայեցակարգ՝ տարվա վերջին, իսկ գարնանը՝ արդեն Սահմանադրության նախագիծ։ Բայց, ըստ էության, ես արդեն վստահ եմ, որ հոկտեմբերի վերջին մենք չենք ունենալու նախնական հայեցակարգ՝ զուտ նրա համար, որովհետև տեսնում եմ, թե ինչ տեմպով է ընթանում աշխատանքը։ Ցավոք սրտի, աշխատանքի տեմպը շատ դանդաղ է, և հանրային քննարկումներ քիչ կտեսնենք, որոնք պայմանավորված են մի շարք հանգամանքներով։ Թեև ինձ թվում է, որ Սահմանադրության փոփոխությունները պետք է հանրության հետ ամենաշատ քննարկված թեմաներից մեկը լիներ»։
Մանրամասները՝ տեսանյութում։
