Լուրեր
Եթե Վանեցյանն իր կեղտոտ խաղը խաղաց ու կանխեց լյուստրացիան, ի՞նչն է խանգարում անել հաջորդ քայլը
  • 21:40
  • 2020-09-20
  • Դիտումներ՝ *

Ռուսաստանի նախագահական աշխատակազմում Հայաստանի վարչապետ Նիկոլ Փաշինյանին օպերատիվ մականուն են տվել` «Մորուք», և հատուկ ուշադրությամբ հետևում են նրա ամեն մի քայլին, պնդում է «Դոսյե» կենտրոնը, որը ֆինանսավորում է Ռուսաստանի երբեմնի ամենահարուստ գործարարներից մեկը` Կրեմլի քննադատ, այժմ վտարանդի Միխայիլ Խոդորկովսկին:

Զեկույցում հրապարակված են Հայաստանի  մի շարք նախկին պաշտոնյաների անուններ, որոնք  «Ռուսաստանի բարեկամների» անվան տակ իրականում լրտեսություն են իրականացնում Ռուսաստանի օգտին։ Այդպիսի  մի ամբողջ ցանց է գործում՝ և՛ ակնհայտ, և՛ շատ ընդհատակյա.«Նրանք արմատներ են գցել համարյա բոլոր պետական կառույցներում` կառավարությունում, խորհրդարանում, հատուկ ծառայություններում, Արտաքին գործերի նախարարությունում»։

Հրապարակվում է ոմն Սվետլանա Մաքսիմովայի անունը։ Ըստ «Դոսյե»-ի ուսումնասիրած փաստաթղթերի, գործակալ Մաքսիմովան հետևում է նաև հայաստանյան այլ, իրենց բնորոշմամբ՝ արևմտամետ քաղաքական գործիչների, օրինակ` Հանրային խորհրդի ղեկավար Ստեփան Սաֆարյանին:

«Առաջին լրատվական»-ի հետ զրույցում Սաֆարյանն ընդգծեց՝ որպեսզի նման զեկույցներ չվերլուծենք՝  կլինի դա  «Վիկիլիքս», թե  «Դոսյե», անհրաժեշտ է լյուսրտացիա իրականցնել.«Երբ համակարգը կմաքրազերծվի այլ երկրների շահեր սպասարկողներից։ Խոսքն ազդեցության գործակալների մասին չէ։ Եթե մարդիկ ունենք արևմուտք- Հայաստան, Հայաստան-Ռուսաստան հարաբերությունների մասին ինչ-որ տեսակետ ու  բացեիբաց արտահայտվում են՝ դա նորմալ է, բայց եթե մենք ունենք  ծպտյալ գործակալներ, որոնք աշխատում են համակարգում ու սպասարկում են այլ երկրների շահեր,սա ոչ միայն անընդունելի,  քրեոորեն պատժելի է,այլ այդ դեպքում  անհրաժեշտ է համակարգի մաքրման համար իրականացնել լյուստրացիա»։

Հարցազրույցն ամբողջությամբ՝ տեսանյութում

  • Դիտումներ՝ *