ԱԺ «Իմ քայլը» խմբակցության պատգամավոր Արթուր Հովհաննիսյանը Ֆեյսբուքի իր էջում գրում է.
«Ընտրեցինք ՍԴ երեք դատավորներին, այդպիսով կարող ենք ՍԴ ճգնաժամը համարել հաղթահարված։
❌ Վստահորեն և հաստատակամ մերժեցինք ԼՀԿ-ի՝ Արայիկ Հարությունյանին անվստահություն հայտնելու կեղծ գործընթացը։
✅ Ֆինանսավարկային եւ բյուջետային հարցերի մշտական հանձնաժողովի նոր նախագահ ընտրեցինք ԼՀԿ-ից Արկադի Խաչատրյանին։
✅ Հաստատեցինք COVID-ի դեմ պայքարի արդյունավետությունն ուսումնասիրող քննիչ հանձնաժողովի կազմը։
✅ Տեսչական մարմինները կունենան նոր գործիքակազմ առավել արդյունավետ բնապահպանական վերահսկողություն իրականացնելու համար։ (առաջին ընթ․)
✅ Կլիցենզավորվեն սեղմված բնական կամ հեղուկ գազի բալոններ տեղադրող տնտեսվարողները։ (առաջին ընթ․)
✅ Տեխզննումը կլինի պարտադիր, կտրոնը դիմապակուն այևս փակցնելու կարիք չի լինի։ Վերահսկողությունը կիրականացնի պարեկային ոստիկանությունը հատուկ տեխնիկական միջոցներով։ (առաջին ընթ․)
✅ Ցեղասպանության ուղղակի եւ հրապարակային հրահրումը քրեականացվեց։
✅ ՊՈԱԿ-ի տնօրենի պաշտոնում կարող է նշանակվել այն գործունակ չափահաս քաղաքացին, որն ունի բարձրագույն կրթություն եւ առնվազն երկու տարվա համապատասխան մասնագիտական աշխատանքային ստաժ։ (առաջին ընթ․)
✅ Ընդունեցինք կինեմատոգրաֆիայի մասին օրենքը․ մինչ այս Հայաստանում կինոի մասին որևէ օրենք չենք ունեցել։ (առաջին ընթ․)
✅ Կփոխհատուցվեն Ադրբեջանի տարածքից ռազմական կամ ահաբեկչական գործողությունների հետեւանքով օթեւանին, գյուղատնտեսական կենդանիներին հասցված նյութական վնասները, 4-12-րդ դասարանների աշակերտների դասագրքերը կտրամադրվեն անվճար։ (առաջին ընթ․)
✅ Գույքը և եկամուտները պետք է հայտարարագրեն նաև 15 հազար և ավելի բնակչություն ունեցող համայնքների ավագանու անդամները։ (առաջին ընթ․)
Հղումը՝ :
