ԱՄՆ-ի Կոնգրեսի Սենատում դեմոկրատները սեպտեմբերի 17-ին ներկայացրել են օրինագիծ, որը ենթադրում է ավելի քան 350 միլարդ դոլարի տրամադրում ամերիկյան տնտեսության ամրապնդման համար՝ Չինաստանի հետ մրցակցության նպատակով: Այդ մասին հաղորդել է Միացյալ Նահանգների օրենսդիր մարմնի վերին պալատի արտաքին գործերի մամուլի ծառայությունը:
«Օրինագիծը նախատեսում է նոր զգալի ներդրումներ՝ ԱՄՆ-ի տնտեսության վերականգնման և մեր բանվորներին, ձեռնարկիչներին, հետազոտողներին և արտադրողներին հմտություններ և օժանդակություն տրամադրելու համար, որոնք անհրաժեշտ են, որպեսզի առաջ անցնենք Չինաստանից և հաջողակ լինենք 21-րդ դարում»,- ասված է հայտարարության մեջ: Նշված է, որ այդ կարիքների համար առաջարկվել Է տրամադրել ավելի քան 350 միլիարդ դոլար: Օրինագիծը պաշտպանել է 11 դեմոկրատ օրենսդիր: Միացյալ Նահանգների օրենսդիր մարմնի վերին պալատում ներկայումս մեծամասնություն ունեն հանրապետականները: Չինաստանի և ԱՄՆ-ի միջև հարաբերությունները վերջին տարիներին վատթարացել են առևտրական մաքսերի վերաբերյալ վեճերի պատճառով: Նոր սրացման են հանգեցրել ԱՄՆ-ի նախագահ Դոնալդ Թրամփի արտահայտած մեղադրանքները Պեկինի հասցեին Ուհանում կորոնավիրուսի սկզբնական բռնկմանն ուշացած և անբավարար հակազդելու մեջ: