Հայաստանում ԵՄ դեսպանատան ֆեյսբուքյան էջում ամփոփվել են ԵՄ դեսպան Անդրեա Վիկտորինի Գյումրի կատարած այցը: Հիշեցնենք, ԵՄ դեսպանն օրեր առաջ այցելել էր Գյումրի, քաղաքային ու մարզային իշխանությունների հետ քննարկել Գյումրիում և Շիրակի մարզում ԵՄ ֆինանսավորմամբ իրականացվող ծրագրերը: ԵՄ կֆինանսավորի նաև Գյումրի քաղաքի լուսավորության ցանցի արդիականացումը:
«Գյումրին աշխարհի ամենագեղեցիկ քաղաքներից մեկն է:
ԵՄ դեսպան Անդրեա Վիկտորինը հիանում է տաղանդավոր գյումրեցիներով, քաղաքի եզակի ճարտարապետությամբ և Գյումրիին բնորոշ յուրահատուկ մթնոլորտով, որը քաղաքը պահպանել է:
Դիտեք ԵՄ դեսպանի Գյումրի այցելության ժամանակ կատարված լուսանկարները և բացահայտեք քաղաքի զարմանահրաշ տեսարաններն ու մարդկանց»,- ասված է Եմ դեսպանատան գրառման մեջ:
Գրառման հետ միասին հրապարակվել են լուսանկարներ՝ արված Ասլամազյան քույրերի պատկերասրահում, «Սև բերդ» ամրոցում, Գյումրիում Իտալիայի պատվո հյուպատոս Անտոնիո Մոնտալդոյի խեցեգործության և քանդակագործ Ալբերտ Վարդանյանի արվեստանոցներում: Անդրեա Վիկտորինն այցելել է նաև «Արեգակ» ներառական փուռ-սրճարան:
https://www.facebook.com/eudelegationtoarmenia/posts/3329561157097790?__xts__[0]=68.ARDqo3IOmsC0nPT_M8oRL090Ob-VobXLjXZiDRNxwLaYgX3AqjfRTmkXDogn2PqEVu5ZmzG5YTCFEGCvrYFIp1pQ-s0qcNJjE7Nwkxsvx9juHoeYAJpbYWPw-rtJUaljrATQxRyzys3eN8yTo_bSIMcolFhJvZOtndnQFrLaIPRq6AKGFTrUIIgfJ5ann2rsWhO_UxhF_j4ofBUCLzypH72garDQVtswTEd2DzXiKu32H8Vu3YZlWJ4BnQpwutenDeiUAquw1DKIH89Y0hciQ__4YXkAdLJWkJIBSxguNneUqpsFAW7h2geCL7EUBHR-27kzURq9tqe-jer1Au7CJGFhGA&__tn__=-R
