Հայաստանում այսօրվա՝ սեպտեմբերի 17-ի դրությամբ կորոնավիրուսային հիվանդությունից փաստացի բուժում է ստանում 3232 պացիենտ: Մեր երկրում կորոնավիրուսով պայմանավորված առկա իրավիճակի շուրջ «Առաջին լրատվական»-ը զրուցել է ԵՊԲՀ հանրային առողջության և առողջապահության կազմակերպման ամբիոնի ավագ դասախոս Դավիթ Մելիք -Նուբարյանի և ԵՊԲՀ համաճարակաբանության դասախոս Արման Բադալյանի հետ:
Անդրադառնալով դիտարկմանը, որ վերջին շրջանում կորոնավիրուսով հիվանդացության դեպքերի թիվը 200-ը չէր գերազանցում, բայց երեկ գրանցվել է 257, այսօր 295 դեպք, Դավիթ Մելիք-Նուբարյանը նշեց. «Երկու օր է կորոնավիրուսի դեպքերի ավելացում ունենք, բայց պետք է հաշվի առնել նաև այն, որ կատարված թեստերի թիվը առնվազն մեկ երրորդով ավելացել է»:
Արման Բադալյանը հավելեց, որ ակնկալվում է, որ առաջիկայում կորոնավիրուսի թվերի բարձրացում կլինի. «Բայց նախկին թվերին, հույս ունենք, չենք վերադառնա»:
Դավիթ Մելիք-նուբարյանի դիտարկմամբ՝ ուսումնական տարին սկսվել է, մոտ 700 հազար մարդ վերադարձել են կոլեկտիվներ, և երկու-երեք շաբաթ հետո, ամենայն հավանականությամբ, կորոնավիրուսով հիվանդացության թվերի բարձրացում կարձանագրվի:
Մանրամասները՝ տեսանյութում:
