Կորոնավիրուսի տնտեսական հետևանքները. Ի՞նչ չարվեց և ի՞նչ արվեց, որ ճգնաժամի տնտեսական հետևանքները մեղմվեն, որ Հայաստանի տնտեսությունը հնարավորինս քիչ տուժի, կառավարման ինչպիսի՞ խնդիրներ կան մեր երկրում, ի՞նչ անել, որ թե՛ քաղաքացին, թե՛ իրավաբանական անձինք կարողանան իրացնել իրենց իրավունքները: Այս և այլ հարցերի շուրջ իր դիտարկումները ներկայացրեց «Յուքոմ» ՓԲԸ զարգացման գծով տնօրեն Գագիկ Արզումանյանը:
«Կարևոր է՝ պետական համակարգում աշխատելով՝ հասկանալ մասնավորի խնդիրները: Պետական համակարգում անելիքները շատ են: Եթե կարողանայինք էլ ավելի պատշաճ գնահատել մասնավոր ներդրողների շահերը, շատ ավելի արդյունավետ պետական կառավարման համակարգ կունենայինք»,- նշեց Գագիկ Արզումանյանը:
Անդրադառնալով հարցին, թե ինչ քայլեր կարելի էր ձեռնարկել ճգնաժամի հաղթահարման համար, Գագիկ Արզումանյանը նշեց, որ նախ պետք է բաց և անկեղծ լինել հասարակության և գործարար համայնքի հետ. «Երկխոսության բացակայության հետևանքով պետությունը և հասարակությունը տուժում են: Առաջնահերթ հարցերց մեկը բաց երկխոսության միջոցով որոշումների կայացման մեխանիզմի արդյունավետության բարձրացումն է»:
Մանրամասն՝ տեսանյութում:
