ԱՄՆ նախկին փոխնախագահ Ջո Բայդենը, որը Դեմոկրատական կուսակցությունից մասնակցում է 2020-ի նախագահական ընտրարշավին, Ֆլորիդայում հանդիպել է լատինամերիկացի ընտրողների հետ: Նրան բեմ է կանչել պուերտորիկացի երգիչ Լուիս Ֆոնսին, որը Դեդի Յանկիի հետ միասին ձայնագրել է 2017-ի գլխավոր երգը՝ «Despacito»-ն: Երգը քնարական հերոսի իրեն դուր եկած աղջկա հետ սեքսով զբաղվելու ցանկության մասին է:
Բայդենը բեմ է բարձրացել, հանել է հեռախոսը և «Կարող եմ միայն մեկ բան ասել» բառերով միացրել «Despacito»-ն: Նախկին փոխնախագահը գլուխը շարժել է երաժշտության տակտով և ժպտալով նայել շուրջը:
«Despacito»-ի պատճառով Բայդենին մեղադրել են կարծրատիպային մտածողության մեջ: Սոցցանցերում արդեն նրա մասնակցությամբ ռեմիքսներ են տեղադրվում, որոնցում «Despacito»-ի փոխարեն այլ երգեր են հնչում. օրինակ՝ նույն Դեդի Յանկիի «Gasolina»-ն:
Արձագանքել է նաև ԱՄՆ նախագահ Դոնալդ Թրամփը: Նա Twitter-ում վերահրապարակել է Բայդենի մասնակցությամբ տեսանյութը, որում հնչում է ամերիկյան N.W.A. խմբի «Fuck tha Police» թրեքը: «Իմաստը ո՞րն է»,- հետաքրքրվել է Թրամփը:
After being introduced by Luis Fonsi, Joe Biden pulled out his phone and started playing Despacito ahead of his remarks kicking off Hispanic Heritage Month in Kissimmee, FL. pic.twitter.com/7R6hUZgLW1
— Sarah Mucha (@sarahmucha) September 16, 2020
