Այսօր՝ սեպտեմբերի 16-ին, Ազգային ժողովում շարունակվում է հերթական նիստի աշխատանքը: «Լուսավոր Հայաստանը» հարցապնդում է ներկայացրել ԿԳՄՍ նախարար Արայիկ Հարությունյանի հրաժարականի պահանջով:
Դիմելով «Լուսավոր Հայաստանին»` նախարարն ասաց. «Սիրելի «Լուսավոր Հայաստան», միջամտությունների՞ց եք խոսում. հիմա մի պատմություն պատմեմ»: Նախարարը նշեց, թե ինչպես են ԼՀԿ պատգամավորներ Անի Սամսոնյանը և Աննա Կոստանյանը զանգահարել իրեն. «Տիկին Սամսոնյանը զանգում ասում է` տնօրենն է ճիշտ, բողոքողներին սաստեք, տիկին Կոստանյանն ասում է` բողոքողներն են ճիշտ, տնօրենին սաստեք»:
«Բարգավաճ Հայաստան» խմբակցության պատգամավոր Նաիրա Զոհրաբյանին էլ դիմելով` Արայիկ Հարությունյանն ասաց. «Ինչ-որ այլասերվածությունից եք խոսում, ինչից եք խոսում: Գիտեք էս չափորոշիչներն ինչի մասին են. էս չափորոշիչները ապագայում մի խումբ կոտայքցիներ կսովորեցնեն հարգել դիմացինին, ղեկավարել սեփական հորմոնները, սիրել եկեղեցին, և այլևս եկեղեցու տարածքում չի լինի օտարի նկատմամբ սեռական բռնություն»:
Մանրամասն՝ տեսանյութում:
