ԱՄՆ նախագահ Դոնալդ Թրամփը ասել է, որ մի քանի տարի առաջ ինքը ծրագրում էր կազմակերպել Սիրիայի առաջնորդ Բաշար ալ-Ասադի սպանությունը, բայց հետագայում հրաժարվել է այդ մտքից: Այս մասին նա պատմեց Fox News-ին տված հարցազրույցում:
«Ես կարծում էի, որ ավելի լավ է վերացնել նրան: Մենք պատրաստ էինք: Այնուամենայնիվ, Մեթիսը (Պենտագոնի նախկին ղեկավար Ջեյմս Մեթիս) դեմ էր: Մեթիսը չափազանց գերագնահատված գեներալ է», – ասել է Թրամփը:
Նա հավելել է, որ չի զղջում սպանության գաղափարից հրաժարվելու համար, քանի որ ծրագրի իրականացման մեջ հաջողության երաշխիքներ չկային: