Սվետլանա Տիխանովսկայան The Washington Post-ի համար սյուն է գրել, որում նա «ժամանակի հարց» է համարել Ալեքսանդր Լուկաշենկոյի՝ նախագահի պաշտոնից հեռանալը:
«Մենք՝ որպես ազգ, անցել ենք անվերադարձի կետը: Լուկաշենկոն ապագա չունի որպես այս երկրի ղեկավար, և ժամանակի հարց է նրա՝ իշխանությունից հեռանալը», – ասվում է Տիխանովսկայայի հոդվածում:
Նա համոզմունք է հայտնել, որ բելառուսները կշարունակեն զանգվածային ցույցերն ու գործադուլները:
«Ամեն շաբաթ կիրակնօրյա երթերը հարյուր հազարավոր մարդկանց կողմից դարձել են նորմ: Պետական քարոզչությունը պնդում է, որ դրանք նվազում են, բայց Բելառուսում յուրաքանչյուր ոք իր աչքով տեսնում է, որ երթերն ամեն շաբաթ ավելի են մեծանում: Դրանք կշարունակվեն», – գրել է նա:
Տիխանովսկայան նշել է, որ ժամանակի ընթացքում «գործադուլները գործարաններից և պետական ընկերություններից տարածվեցին դեպի պետական ծառայություն». Դասադուլներին միանում են ուսանողներ, գիտնականներ, ուսուցիչներ և որոշ քաղծառայողներ:
Նա կոչ է արել շարունակել բոյկոտել պետական բանկերը, գործարանները և պետական լրատվամիջոցները, արձանագրել «ոստիկանության և անվտանգության այլ պաշտոնատար անձանց կողմից կատարված հանցագործություններն ու չարաշահումները», ինչպես նաև հետաքննություն անցկացնել Բելառուսում մարդու իրավունքների խախտումների համար պատասխանատուների դեմ: