Էստոնիայի նախագահ Կերստի Կալյուլայդը հայտարարել է, որ Բելառուսի ներկայիս ղեկավարությունը կարող է քրեական պատասխանատվության ենթարկվել Հաագայի միջազգային քրեական դատարանում՝ ցուցարարների նկատմամբ բռնությունների պատճառով: Այս մասին հաղորդում է ERR պորտալը:
«Շատ կարևոր է, որ Մինսկում որոշում կայացնողները հասկանան, որ Հաագան իրականում այդքան էլ հեռու չէ», – ասել է Կալյուլայդը:
Քաղաքական գործիչը նաև նշել է, որ բելառուսական ընդդիմության դեմ բռնության մեջ մեղավորները պետք է պատժվեն հնարավորինս շուտ: Էստոնիայի նախագահի խոսքով՝ Բելառուսի ճակատագիրը պետք է միայն նրա ժողովուրդը որոշի:
Միևնույն ժամանակ, արտաքին միջամտությունը «անհնար է և աննպատակահարմար», – նշել է Կալյուլայդը:
«Եվ դա վերաբերում է ինչպես Արևելքին, այնպես էլ՝ Արևմուտքին», – հավելել է Կալյուլայդը:
