Իշխող «Վրացական երազանք» կուսակցությունը կառավարության գործող ղեկավար Գեորգի Գախարիային անվանել է վարչապետի իր թեկնածուն՝ 2020թ.-ի հոկտեմբերին կայանալիք խորհրդարանական ընտրություններում հաղթանակի դեպքում: Բացի այդ, 45-ամյա Գախարիան առաջինն է իշխող կուսակցության կուսակցական ցուցակում:
«Մենք վարչապետի թեկնածու չենք ներկայացնում, այլ ապագա վարչապետի»,- հայտարարել է կուսակցության գործադիր քարտուղար Իրակլի Կոբախիձեն Մթածմինդայի այգում կայացած շնորհանդեսի ժամանակ: Նա շեշտել է, որ չի կասկածում հաղթանակին հոկտեմբերի 31-ին կայանալիք ընտրություններում: