Սեպտեմբերի 15-ից մեկնարկող նոր ուսումնական տարվան ընդառաջ Երևանի քաղաքապետի տեղակալ Տիգրան Վիրաբյանը հանդիպել է Մալաթիա-Սեբաստիա և Շենգավիթ վարչական շրջանների դպրոցների և մանկապարտեզների տնօրենների հետ: Այս մասին տեղեկանում ենք քաղաքապետարանի ֆեյսբուքյան էջից:
Խոսելով համավարակի կանխարգելման նպատակով կրթօջախներում նախատեսված միջոցառումների մասին՝ փոխքաղաքապետն ընդգծել է, որ խստագույնս պետք է պահպանվեն անվտանգության կանոնները՝ գծանշումներ, առավոտյան ջերմաչափումներ, հեռավորության պահպանում, ախտահանումներ՝ ամեն հերթափոխից հետո, դիմակների և անհրաժեշտ այլ պարագաների ճիշտ կիրառում:
«Ուսումնական այս տարում ծնողները մեզ են վստահելու ոչ միայն իրենց երեխաների կրթությունը, այլև առողջությունը: Կրթական բոլոր հաստատությունները լինելու են մեր խոշորացույցի տակ, լինելու են նաև ստուգայցեր: Պետությունը և քաղաքային իշխանությունը միջոցներ են հատկացրել դպրոցների և մանկապարտեզների աշխատակազմերին ապահովելու անհրաժեշտ բոլոր պարագաներով: Դիմակի կամ ձեռնոցի համար գումար չի հավաքվելու: Եթե որևէ տեղ այդ նպատակով ծնողներից դրամահավաք կազմակերպվի, դա անհետևանք չի մնա»,- ընդգծել է Տիգրան Վիրաբյանը: Փոխքաղաքապետը նաև նկատել է, որ կանոնների պահպանումը պետք է սկսել տնից դուրս գալիս, ինչում մեծ դեր պետք է ունենան ծնողները:
Նման հանդիպումներ կանցկացվեն նաև Երևանի մյուս վարչական շրջանների դպրոցների և մանկապարտեզների տնօրենների հետ:
https://www.facebook.com/YerevanCityHall/posts/3205115346204240?__xts__[0]=68.ARCI1hNXZ4uL_mLrrvVcx3BlG8swFaAbnQ6YAbhdy63RKU5IgdpObog6-GQZ_MbSOFuEfj0hnllz3_goR03ENwQ9fiaQuS-NMXOYkyUwNwuQPZUbN5PMrQcfz7O_b_Fza6LHJCTSlTUbzqXyYuikTY18eMhz3Lpxxp6gym1nGa9wKOgl0Fq5df2u8LnE6rQr4LiHjpSxZLZPc6GtNX1-oJTctbvBcMPYT9aBalExM4YLTqVileqLXlj0G55VtLGSM4SmOodp73hgDTDUXSkUtk8luWCalBKRUlqPVDwTWTbFKs6CVguNlEbu-tLC0bIqH3b6darfFGCMR0o1xZLao0DkPHfx&__tn__=-R