Ռուսաստանի տնտեսությունը կորոնավիրուսով պայմանավորված ճգնաժամի մեջ է հայտնվել լավագույն ձևով, քան մյուսները, և նրա հետագա հեռանկարները կարող են այնքան էլ տխուր չլինել, ինչպես սպասվում էր:
Այդ մասին գրում է Bloomberg գործակալությունը՝ հենվելով վերլուծաբանների կարծիքների և սեփական հետազոտությունների վրա:
«Երբ բռնկվեց համավարակը, Ռուսաստանը բավականին լավ վիճակում էր. ցածր արժեզրկում, գործազրկության ցածր մակարդակ, կայուն բանկային հատված և հսկայական պահուստներ»,- գործակալությունը մեջբերում է «Ռենեսանս Կապիտալ» ներդրումային ընկերության գլխավոր տնտեսագետ Սոֆյա Դոնեցի խոսքը:
Հրապարակման հեղինակները մյուս երկրներից ավելի քիչ տնտեսական անկման տեմպեր են նշում Ռուսաստանում:
Կարանտինային միջոցառումներից հատկապես խստորեն տուժած ծառայությունների և փոքր բիզնեսի ոլորտում կորուստները, գործակալության կարծիքով, նույնպես այնքան մասշտաբային չեն մյուս երկրների կորուստների համեմատությամբ:
Bloomberg գործակալության հետազոտության համաձայն՝ Ռուսաստանի տնտեսությունը, ընթացիկ տարվա արդյունքներով, կկրճատվի 4,8 տոկոսով, ինչը կորոնավիրուսի համավարակի սկսվելուց անմիջապես հետո կառավարության կանխատեսածից ավելի պակաս է։
