Քաղաքացիական ավիացիայի կոմիտեի նախագահ Տաթևիկ Ռևազյանը Դանիայից վերադարձել է Հայաստան։ Օրերս նա ֆեյսբուքյան իր էջում տեսանյութ էր հրապարակել, որում դստեր` երեքուկես ամսական Մոնթեայի հետ վայելում է գիշերային Երևանի շատրվանների գեղեցկությունը։
Հիշեցնենք, որ Ռևազյանը երեխային ծննդաբերելու համար մեկնել էր Դանիա և այնտեղ էր արդեն մի քանի ամիս։
ArmDaily.am-ի հետ զրույցում Ռևազյանն ասաց, որ վերադարձել են օգոստոսի 28-ին. «Շատ լավ ենք։ Հայաստանում Մոնթեան իրեն շատ լավ է զգում, երբ հասանք Հայաստան սկսեց շատ բարձր ծիծաղել։ Պաշտոնապես հոկտեմբերի 1-ից պատրաստվում եմ գնալ աշխատանքի, բայց արդեն կամաց-կամաց գնում եմ օֆիս, որ սովորենք այս նոր ռիթմին։ Բայց ես այս ամբողջ ընթացքում աշխատել եմ այնտեղից, դրա համար շատ մեծ տարբերություն չկա։ Շատ ծրագրեր կան, սակայն այս պահին չեմ կարող ասել։ Երբ վերադառնամ օֆիս, կարծում եմ մամուլի ասուլիս կկազմակերպենք և բոլոր քայլերը մանրամասն կներկայացնենք»։
Հարցին՝ կառույցում կադրային փոփոխություններ կլինեն, Ռևազյանը նշեց.«Կարող է և լինի»։