«Ես կարծում եմ մտահոգությունները, որ այս նախագիծը որևէ կերպ կարող է սահմանափակել խոսքի ազատությունը՝ անտեղի ն, և շատ կարևոր է, որ Հայաստանում զրպարտությունը և վիրավորանքը կարգավորվում է ոչ թե քրեական օրենսգրքով, այսինքն մարդը վիրավորանքի և զրպարտության համար քրեական պատասխանատվության չի ենթարկվում, ինչպես նախկինում էր, այլ սա քաղաքացիաիրավական համակարգում է կարգավորվում, և զրպարտությունը և վիրավորանքը կանխարգելելու միջոցը՝ դա տուգանքն է։ Կարծում եմ նախագիծը կարևոր է, որովհետև այն գումարի չափերը, որոնք նախատեսված էին մինչև օրս, դա 1․000․000 և 2․000․000 դրամն էր, եթե չեմ սխալվում, համաչափ չէին գուցե այն վնասին, որը հասցնում էր անձին վիրավորանքի կամ զրպարտության դեպքում։ Բայց պետք է քննարկենք, որքանով են համաչափ այսքան բարձրացումը տուգանքի չափի» , – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Սարգիս Խանդանյանը։
Հիշեցնենք, որ վիրավորանքի և զրպարտության համար փոխհատուցման չափի հնգապատկման նախագիծը ԱԺ պետաիրավական հարցերի մշտական հանձնաժողովում ստացել է դրական եզրակացություն։