Առաջիկա մի քանի ամիսների ընթացքում փող պահելու լավագույն արժույթը կմնա շվեյցարական ֆրանկը: Այս մասին հայտարարել է «BCS Broker» ֆոնդային բորսայի փորձագետ Դմիտրի Բաբինը, գրում է «ՌԻԱ Նովոստին»:
Դոլարի նկատմամբ վերջին վեց ամիսներին շվեդական և դանիական կրոնները նույնպես լավ աճ են գրանցել: Ընդհանուր առմամբ, եվրոպական երեք արժույթների աճն ամերիկյանի նկատմամբ տարեսկզբից գերազանցել է նույնիսկ եվրոյին, ասել է Բաբինը:
Մոտ ժամանակներում ԱՄՆ-ում ներքաղաքական անորոշության ֆոնին դոլարը կարող է անկայուն լինել, կապված նոյեմբերին կայանալիք նախագահական ընտրությունների, Դաշնային պահուստային համակարգի գերփափուկ դրամավարկային քաղաքականության և քաղաքացիական անկարգությունների հետ, հավելել է փորձագետը:
Ավելի վաղ փորձագետները կանխատեսել էին, որ 2021թ.-ի ընթացքում դոլարի անկումը եվրոյի նկատմամբ կկազմի մեկ երրորդից ավելին (36%): ԱՄՆ արժույթը, հիմնական արտարժույթների համեմատ, արդեն իսկ իր 2020թ.-ի գագաթնակետային ցուցանիշից ընկել է 11%-ով: