Ուկրաինական «Անտոնով» պետական ավիաշինական ընկերությունը ցանկանում է AN-178 ինքնաթիռի արտադրության գործընթացին ներգրավվել ոլորտի թուրք մասնագետներին, հաղորդում է Ermenihaber-ը:
Այս մասին հայտարարել է «Անտոնովի» ղեկավար Օլեքսանդր Լոսը Ուկրաինայի փոխվարչապետ Օլեգ Ուրիսկիյի հետ Թուրքիա կատարած այցից օրեր անց: Լոսը հիշեցրել է, որ 2 երկրների միջև ավիաշինական ոլորտում համագործակցությունը սկսվել է դեռևս 2013 թ.-ին՝ կապված AN-158 ինքնաթիռների հետ :
«Այն ժամանակվանից սկսած թուրք կոլեգաների ու ընկերների հետ սերտ կապի մեջ ենք: Դրա շնորհիվ այսօր ամենաբարձրաստիճան ղեկավարները քննարկում են AN-178-ի համատեղ արտադրության հետ կապված համագործակցության ներուժը»,- ասել է Լոսը:
Ըստ Լոսի՝ ինքնաթիռների տեխնիկական համալրման գործընթացում թուրքական ընկերությունների մասնակցությունը պարտադիր պայման է, քանի որ AN-178 ինքնաթիռներ պետք է արտադրվեն նաև թուրքական բանակի ու ոստիկանության համար: