Մեր քաղաքական թիմում չկան ապագա օլիգարխներ ու բիզնեսով զբաղվող պատգամավորներ. «Իմ քայլի» պատգամավոր

ԱԺ «Իմ քայլը» խմբակցության պատգամավոր Վիկտոր Ենգիբարյանը զարմացած է, որ Լանսարոտեի կոնվեցիայի վավերացման վերաբերյալ երեկ է տեղեկանում մամուլը, այնինչ դա ամիսներ առաջ էր վավերացվել։ Անդրադառնալով հռչակագրի շուրջ շահարկումներին, նշում է՝ անհասկանալի է, քանի որ այն որևէ խոցելի կողմ չունի։ Խոսելով այս օրերին պարբերաբար տեղի ունեցող բողոքի ակցիաների մասին՝ նշում է, որ նորմալ քաղաքական պրոցեսների մաս է, իսկ ընդդիմությունը իրավունք ունի հանրահավաքներ իրականացնել։ Իսկ ինչ վերաբերում է այն հարցին, թե ինչպիսի՞ ընդդիմություն է իշխանությունը պատկերացնում, նշում է՝ մենք այսօր չունենք կայացած քաղաքական համակարգ, կայացած կուսակցություններ։ Պատգամավորը պատկերացնում է այնպիսի ընդդիմությունը, որը սերտաճած չլինի նախկին համակարգի հետ։