Թուրքիայի նախագահի աշխատակազմի հաղորդակցության բաժնի ղեկավար Ֆահրեթին Ալթունը հայտարարել է, որ Անկարան դժգոհ է դատավճռից, որը կայացվել է ընդդիմադիր սաուդցի լրագրող Ջամալ Հաշոգիի մարդասպանների նկատմամբ:
Վարչակազմի պաշտոնյայի խոսքով ՝ դատարանի վճիռը չի արդարացրել Թուրքիայի իշխանությունների և միջազգային հանրության սպասելիքները:
«Մենք դեռ չգիտենք, թե ինչ է տեղի ունեցել Հաշոգիի մարմնի հետ, ով ցանկացել նրա մահը և արդյոք եղել են տեղական հանցակիցներ, ինչը կասկածի տակ է դնում դատական գործընթացների արժանահավատությունը», – ասել է Ալթունը:
Նա հավելել է, որ սպանության օբյեկտիվ հետաքննության համար անհրաժեշտ է Սաուդյան Արաբիայի իշխանությունների համագործակցությունը Թուրքիայի իրավապահ մարմինների հետ:
Հիշեցնենք, որ 2017-ից ԱՄՆ-ում բնակվող և The Washington Post պարբերականի հետ համագործակցող Հաշոգին 2018 թվականի սեպտեմբերի 3-ին ժամանել էր Ստամբուլում գտնվող Սաուդյան Արաբիայի հյուպատոսարան և անհետացել:
Հաշոգին հայտնի էր Էր-Ռիադի քաղաքականության վերաբերյալ իր քննադատական հոդվածներով: 2017 թվականից նա ապրում էր ԱՄՆ-ում և գրում Washington Post-ի համար:
Թուրքական և ամերիկյան հատուկ ծառայությունները կարծում են, որ լրագրողի սպանությանը առնչություն ունի Սաուդյան Արաբիայի բարձրագույն ղեկավարությունը, մասնավորապես՝ թագաժառանգ Մուհամեդ բին Սալմանը: Էր-Ռիադը դա հերքում է: