«Մարտի 1-ի» գործով տուժողների իրավահաջորդները որոշել են դադարեցնել դատական նիստերին իրենց մասնակցությունը՝ դրանք որակելով էժանագին թատրոն: Ո՞րն է այս որոշման պատճառը. թեմայի շուրջ «Առաջին լրատվական»-ի հետ զրույցում այս և այլ հարցերի անդրադարձան փաստաբան Տիգրան Եգորյանը և Մարտի 1-ին զոհված Գոռ Քլոյանի հայրը՝ Սարգիս Քլոյանը:
«Սա կտրուկ որոշում չէ, նույնսիկ ուշացած որոշում է,- նշեց Տիգրան Եգորանը,- ի սկզբանե կար ռիսկ, որ Մարտի 1-ի գործի դատավարությունը ոչ մի տեղ չի տանելու: Լուրջ մտահոգություններ կային, որ դատական ռեֆորմ կամ առանցքային «չարորակ ուռուցքի» հեռացում իշխանությունը հնարավոր է չկարողանա իրականացնել: Մեկուկես տարի առաջ կային ենթադրություններ, որ դատական իշխանությունում որևէ ռեալ փոփոխություն հնարավոր չի լինի իրականացնել, հիմա դա փաստ է»:
«Երբ 1018-19թթ. կարևորագույն գործերի վերբերյալ ՄԻԵԴ-ի վճիռներն ստանալուց հետո անգամ դրանց պատասխանատու նախկին դատավորները շարունակեցին պաշտոնավարել, հասկանալի դարձավ, որ շատ լուրջ է խնդիրը: Նախկին դահիճն այսօր գտնվում է դատական իշխանության այն սեգմենտում, որը պետք է կարողանա սպասարկել հետհեղափոխական Հայաստանի շահերը: Ո՞վ կհավատա, որ մեկ-երկու տասնամյակ հանցավոր ռեժիմին և տոտալիտար իշխանությանը սպասարկած, մարդու իրավունքները զանգվածաբար ոտնահարած, սպանություններ գործած և մարդկաց ունեզրկած իշխանությունների հետ համանգործակցած դատական համակարգն այսօր կպայքարի այդ արատների դեմ»,- նշեց փաստաբանը:
Սարգիս Քլոյանը նույնպես մտահոգություն հայտնեց Մարտի 1-ի գործի քննության անընդհատ ձգձգումների առնչությամբ. «Տարիուկես է մասնակցում եմ դատական նիստերի, միայն ու միայն լսվում են միջնորդություններ: Կռիվ ենք տալիս փաստաբանների հետ, մենք ոչ մի օգուտ չենք տեսել դատական նիստերից»: Սարգիս Քլոյանի դիտարկմամբ՝ Ռ. Քոչարյանը և մյուսները սպասում են թեժ աշնանը, հույս ունեն, որ իշխանափոխոթյուն կլինի և իրենք հետ կգան:
Տիգրան Եգորյանի դիտարկմամբ՝ հայաստանյան այսօրվա դատական համակարգն ի վիճակի չէ մարսել Մարտի 1-ի խորը բովանդակությամբ գործը: «Դատական համակարգն այսօր իր անպատժելիության գագաթնակետն է ապրում… Քանի՞ նոր խայտառակ վճիռ պետք է լինի, որ իշխանությունը գործուն քայլեր ձեռնարկի»,- ընդգծեց փաստաբանը: Նա նաև հավելեց, որ թավշյա հեղափոխությունով իշխանության եկածները պետք է լինեն ազնիվ ու մաքուր, բայց դատական համակարգը մաքրված չէ:
Սարգիս Քլոյանը հավաստացրեց, որ Մարտի 1-ի գործով տուժողների իրավահաջորդները կհետևեն զարգացումներին, և եթե իրավիճակ փոխվի, կմասնակցեն դատական նիստերին:
Մանրամանս՝ տեսանյութում: