Վրաստանում կարանտինի և ինքնամեկուսացման ժամկետները 12-ից իջեցրել են 8 օրվա: Այս մասին հայտարարել է Վրաստանի վարչապետ Գիորգի Գախարիան: Նախկինում կարանտինի ժամանակահատվածը 14-ից կրճատվել էր 12 օրվա՝ գրում է ekhokavkaza.com-ը:
«Իններորդ օրը, եթե PCR թեստը բացասական է, նրանք կկարողանան դուրս գալ կարանտինի գոտուց: Ավելին, 12-րդ օրը նրանք պարտավոր կլինեն հանձնել մեկ այլ PCR թեստ»,- ասել է Գախարիան:
Վարչապետը նաև ասել է, որ սեպտեմբերի 15-ից Վրաստան ժամանող բոլոր օտարերկրացիները պարտավոր են տրամադրել կորոնավիրուսի համար բացասական PCR թեստ: Վերլուծությունը պետք է ներկայացվի ոչ ուշ, քան մուտքագրման պահից 72 ժամ առաջ: Սա վերաբերում է նաև Ֆրանսիայի, Գերմանիայի, Լատվիայի, Լիտվայի և Էստոնիայի քաղաքացիներին, որոնց համար Վրաստանը նախկինում բացել էր սահմանը առանց սահմանափակումների: