Լուրեր
Մենք հիմա տնտեսական ճգնաժամի մեջ ենք, բայց փլուզման ականատես չենք լինի․ Հայկ Գևորգյան
  • 10:00
  • 2020-09-09
  • Դիտումներ՝ *

Կառավարության իրականացրած հակաճգնաժամային միջոցառումները շատ են քննադատվում։ Մի մասն ասում է, որ դրանք բավարար չեն, մի մասն էլ ասում է, որ քայլերը սխալ են ընտրված։ Ինչպիսի՞ն է ձեր գնահատականը․ «Առաջին լրատվական»-ի հարցին ԱԺ «Իմ քայլը» խմբակցության պատգամավոր Հայկ Գևորգյանը պատասխանեց․ «Իմ գնահատականը, բնականաբար, հակառակն է։ Քայլերը շատ ճիշտ են ընտրված, ու եթե նայենք հակաճգնաժամային միջոցառումների գաղափարախոսությանը, ապա կտեսնենք, որ այդ գաղափարախոսության հիմքում դրված է մի կարևորագույն կետ՝ այն պետք է լինի թիրախավորված։ Այսինքն՝ կառավարությունը չգնաց համատարած փողաբաժանումների։ Դա ամենասխալ ճանապարհը կլիներ, որովհետև դրա հետևանքներն ավելի վատն էին լինելու։ Եթե մենք համատարած փող բաժանեինք, ապա այդ փողը կարժեզրկվեր ու դրա արդյունքը չէր երևալու։

Մյուս խնդիրը՝ ո՞ւմ ենք թիրախավորել։ Այդտեղ ուղակի հնարավոր չէ այնպես անել, որ ոչ մեկը ցուցակից դուրս չմնա, կամ ոչ մեկը չլինի այն խմբից, որոնք չպետք է ստանային, բայց ստացել են նման աջակցություն։ Այսինքն՝ ցանկացած պարագայում որոշակի շեղումներ պիտի լինեին, բայց, ընդհանուր առմամբ, կառավարության իրականացրած հակաճգնաժամային միջոցառումները հասել են իրենց նպատակին, որի ապացույցները երևում են մակրոտնտեսական մեր ցուցանիշներից։ Մեր տնտեսության անկումն ավելի քիչ է, քան նախկինում արձանագրված տնտեսական ճգնաժամերի ժամանակ էր, երբ տնտեսությունը ոչ թե անկում էր ապրում, այլ ուղղակի փլուզվում էր։ Այս անգամ մենք այդ իրողությանն ականատես չենք, և այսօր մենք շատ ավելի լավ վիճակում ենք, քան շատ ու շատ այլ երկրներ, ու տարեվերջին մենք կարձանագրենք, որ մեզ մոտ տնտեսական անկումն ավելի քիչ է, քան Հայաստանի տնտեսության ծավալի, չափի պես շատ ու շատ երկրներում»:

 

Մանրամասները՝ տեսանյութում։

  • Դիտումներ՝ *