Եվրամիությունը մտադիր է տնտեսական պատժամիջոցներ կիրառել Բելառուսի 31 բարձրաստիճան պաշտոնյաների նկատմամբ: Սակայն հանրապետության նախագահ Ալեքսանդր Լուկաշենկոն չի ընդգրկվի այդ ցուցակում, հայտնում է Reuters-ը՝ վկայակոչելով ԵՄ դիվանագետին:
«Սեւ ցուցակը», որը կձեւավորվի «Բելառուսում կեղծված ընտրությունների» պատճառով, կներառի տարբեր պաշտոնատար անձանց, այդ թվում՝ երկրի ՆԳՆ ղեկավարին:
«Սկզբում մենք համաձայնեցրել էինք 14 անուններ, բայց շատ պետություններ գտան, որ դա բավարար չէ: Այժմ մենք համաձայնության ենք եկել ևս 17 անունների շուրջ»,- ասել է ԵՄ դիվանագետներից մեկը:
Աղբյուրի համաձայն, ցուցակում կլինեն միայն այն պաշտոնյաները, որոնք «պատասխանատու են ընտրությունների, բռնությունների և բռնաճնշումների համար»: Ավելին, Լուկաշենկոն չի ընդգրկվել ցուցակի առաջին տարբերակում:
