Կիպրոսյան «Պոլիտիս» պարբերականը հրապարակել է ներդրումների համար, այսպես կոչված, Կիպրոսի ոսկե անձնագրեր ստացած անձանց ցուցակը: Նախկինում ցուցակը գաղտի էր, այժմ գաղտնիության կնիքը հանվել է:
Պարբերականը հղում է անում Կիպրոսի նախագահ Նիկոս Անաստասիադիսի նամակին, որում ասվում է, որ 2008-ից 2012 թվականներին Կիպրոսի քաղաքացիություն է ստացել ընդհանուր առմամբ 141 օտարերկրացի, նրանցից 34-ը, դիմելու պահին, «գտնվել է բարձր ռիսկային խմբում»: Նրանց թվում են ՌԴ ՎՏԲ պետական կորպորացիայի խորհրդի անդամ Միխայիլ Կուզովլևը, Evraz-ի համասեփականատեր Ալեքսանդր Ֆրոլովը, Չուվաշիայից Դաշնային Խորհրդի նախկին անդամ, «Sintez» խմբի համասեփականատեր Լեոնիդ Լեբեդևը, ՌԴ-ում «Spar» առևտրային ցանցի և «Տուլայի մսի կոմբինատի» սեփականատեր Անտոն Բելոբրագինը, «BFA-Development» ընկերության գլխավոր տնօրեն, «Ուրալսիբ» բանկի նախկին սեփականատիրոջ այրի Լյուդմիլա Կոգանը, ESN ընկերությունների խմբի սեփականատեր Գրիգորի Բերյոզկինը և այլք:
Ներդրումների համար Կիպրոսի քաղաքացիություն են ստացել նաև մի շարք ուկրաինացի գործարարներ, գրում է պարբերականը: Նրանց թվում են միլիարդատեր Իգոր Կոլոմոյսկին, «Privat» ֆինանսաարդյունաբերական խմբի համահիմնադիր և համասեփականատեր Գենադի Բոգոլյուբովը, «Էներգետիկ ստանդարտ» խմբի ղեկավար Կոնստանտին Գրիգորիշինը և Ուկրաինայի ազգային անվտանգության և պաշտպանության խորհրդի նախկին քարտուղար և «Դոնբաս» կորպորացիայի արդյունաբերական միության համասեփականատեր Վիտալի Գայդուկը: